“Saleh Rüstəmovun vəziyyətini nəzarətə götürüblər. Aldığım məlumata görə Ədliyyə Nazirliyin Tibb Baş İdarəsi tərəfindən yeni tibbi personal ayrılıb. Vəziyyəti pisdir. Dünən yoxlanışdan keçirilib, amma yoxlanışın nəticələri barəsində bizə məlumat verilməyib”,- bu barədə vəkil Bəhruz Bayramov “Time TV”-yə açıqlamasında deyib.
Vəkil, dekabrın 8-i İnsan hüquqları üzrə Ombudsman Səbinə Əliyevayla görüşü haqda da danışıb:
“Vəziyyəti, indiyə qədərki proseslər barəsində danışdıq. Özünün də məlumatı var idi”.
Saleh Rüstəmlinin azadlığa çıxması ilə bağlı isə vəkil ümidsiz idi:
“Biz müraciətlər etmişik, amma heç bir məlumat yoxdur”.
Sabiq birlik komandiri, general-leytenant Rövşən Əkbərov 10 il müddətinə azadlıqdan məhrum edilib
O, mərhum Elçin Əliyevin ailəsinə vurduğu mənəvi ziyana görə, 40 min 10 manat təzminat ödəməlidir
Həbsdə olan general Rövşən Əkbərov bu gün 10 il azadlıqdan məhrum olunub. O, cəzasını ciddi rejimli cəza çəkmə müəssisəsində çəkəcək. Eyni zamanda generalın mərhum Elçin Əliyevin ailəsinə 40 min 10 manat mənəvi təzminat ödəməsi də əksini tapıb.
Bakı Hərbi Məhkəməsində hakim Həbib Həsənovun sədrliyi ilə baş tutan prosesdə son sözünü söyləyən Rövşən Əkbərov son sözündə günahsız olduğunu deyərək bildirib ki, 2001-ci il iyunun 1-də qətl baş verdiyi kafedə olmayıb: “Mən həmin gün kirayə qaldığım evdə ailə üzvlərimlə birlikdə olmuşam. Ertəsi gün səfirlikdən mənə xəbər veriblər, hadisə barədə deyiblər. Məzahir Şıxəliyevi tanımamışam, Elçin Əliyevi cəmi iki dəfə görmüşəm. Barəmdə bəraət verilməsini istəyirəm”.
Qeyd edək ki, dövlət ittihamçısı çıxışında cinayətin üzərindən 20 ildən uzun müddət keçdiyini, buna görə R.Əkbərovun ittiham edildiyi Cinayət Məcəlləsinin 221.3-cü (xuliqanlıq) maddənin təsirdən düşdüyünü nəzərə olaraq, onun 12.1, 120.2.2 (qəsdən adam öldürmə) və maddələri ilə təqsirli bilinməsini istəyərək 11 il azadlıqdan məhrum edilməsini istəmişdi.
Mərhum Elçin Əliyevin vəkili isə R.Əkbərova 15 il cəza verilməsini istəyirdi.
Cinayət işində qeyd olunur ki, Rövşən Əkbərovun 2001-ci il mayın 31-dən iyunun 1-nə keçən gecə Kiyev şəhəri, Deqtyaryov küçəsi 7 ünvanda yerləşən “Sikora” kafesində yeyib-içdikdən sonra, saat 04 radələrində həmin kafenin yaxınlığında Elçin Əliyev ilə aralarında yaranmış cüzi münaqişə səbəbindən xuliqanlıq niyyəti ilə sonuncunun ürək nahiyəsinə kəsici-deşici predmetlə xəsarət yetirərək Elçin Əliyevi qəsdən öldürməsinə əsaslı şübhələr müəyyən olunub.
Rövşən Əkbərova Cinayət Məcəlləsinin 12.1, 120.2.2 (qəsdən adam öldürmə) və 12.1, 221.3-cü (xuliqanlıq) maddələri ilə ittiham elan edilərək, barəsində məhkəmənin qərarı ilə həbs qətimkan tədbiri seçilib. Onun barəsində olan cinayət işinin istintaqı başa çatdırılaraq baxılması üçün Bakı Hərbi Məhkəməsinə göndərilib.
Rusiya prezidenti Vladimir Putin “Valday” Beynəlxalq Diskussiya Klubunun iclasında Dağlıq Qarabağ münaqişəsilə bağlı açıqlama verərək yeni müharibəyə imkan verilməyəcəyini bildirib:
– Birincisi, həm Azərbaycan prezidentinin, həm də Ermənistanın baş nazirinin siyasi müdrikliyinə hörmətlə yanaşmalıyam. Yenə də hadisələrin bütün faciələrinə baxmayaraq, onlar bir anlıq siyasi vəziyyətdən yuxarı qalxmağı və çox məsuliyyətli qərar qəbul etməyi bacardılar.
Ancaq bu, yeganə məqam deyil, baxmayaraq ki, insan həyatını qorumaqdan daha vacib bir şey yoxdur, başqa bir önəmli məsələ da var: uzunmüddətli nizamlanma üçün şərait yaratmaq lazımdır. Bu isə yalnız o halda mümkündür ki, hər iki tərəf əldə etdiyi razılaşmaları uzunmüddətli olaraq qəbul edəcək və, bunu vurğulamaq istəyirəm, dinc şəkildə birlikdə yaşamağın üstünlüklərini qiymətləndirəcək. Və burada hamının marağı var. Azərbaycan Naxçıvanla normal əlaqəni qurmaqda, kommunikasiyaların açılmasında maraqlıdır, və bu, Ermənistanın qarşısında duran ilkin vəzifələrdən biridir – effektiv iqtisadi mühüt yaratmaq, bölgədə, effektiv qarşılıqlı əlaqə – gələcəkdə Azərbaycanla da, yaratmaq, prinsipcə, Ermənistan bunda maraqlıdır, Türkiyə ilə münasibətlərini normallaşdırmaq, onları müasir hala gətirmək. İndi ən vacib məsələ sərhəddəki vəziyyəti nəhayət nizamlamaqdır. Əlbəttə ki, Rusiyanın iştirakı olmadan heç nə edilə bilməz. Burada, bəlkə də, hər iki tərəfdən başqa heç kimə ehtiyacımız yoxdur. Niyə? Çox sadə praqmatik məsələlər var. Xəritələr, Rusiya ordusunun Baş Qərargahındadır. Sovet respublikaları arasındakı sərhədin sovet dövründə necə olduğunu göstərən xəritələr. Bu sənədlərə əsaslanaraq hər iki tərəf sakitçə oturmalıdır… Orada da qarşılıqlı güzəşt tələb edən məsələlər var. Bunu etmək olar ya yox? Mümkündür. Ancaq əlbəttə ki, biz çoxtərəfli bir format tapmağın tərəfdarıyıq. Minsk qrupunun işini gücləndirmək də daxil olmaqla. Biz tərəfdaşlarımızla birlikdə bunun üzərində işləyirik.
İran Silahlı Qüvvələrinin quru qüvvələri sabahdan etibarən ölkənin şimal -qərb bölgəsində təlimlərə başlayacaq. Bunu İran Quru Qoşunlarının komandanı, general Kyumərs Heydəri bildirib.
Onun sözlərinə görə, “Fatihan Xeybər” adlı təlimlərdə toplar, pilotsuz uçuş təyyarələri, helikopterlər və zirehli texnikalardan istifadə olunacaq.
K. Heydəri deyib ki, hərbi təlimlərin keçirilməsində məqsəd bölgədə İran ordusunun hərbi gücünün artırılmasıdır. Onların neçə gün davam edəcəyi qeyd olunmayıb.
Təlimlər başladığı bir məqamda İran parlamentindən Azərbaycan və Türkiyəyə qarşı növbəti təhdid səsləndirilib. İran parlamenti sədrinin müavini və Ərdəbildən seçilmiş millət vəkili Əli Nikzad Azərbaycan və Türkiyənin etdiklərini cürətkarlıq adlandırıb. Və deyib:
– Bəzilərinə xitabən deyirəm ki, Amerikaya və sionizmə güvənən liderlərin taleyini bilmək üçün bir az müasir tarix oxuyun.
O davam edərək söyləyib: 1992-ci ildən ala yarımçıq müstəqilik qazan qonşumuz 500 illik bir imperya tarixi olan Orta Şərqin ən güclü dövləti İrana nələrisə öyrətməyə çalışır. Əsla avantürist və macəraçı fikirlərə düşməyin, çünki biz tariximizə və kimliyimizə çox bağlıyıq. Bilin ki, biz azərilər ordusu islam inqilabının ali rəhbərinin əmrindəyik. Elə etməyin ki, şimalınızıda alıb cənuba qataq.
Sabiq deputat Rafael Cəbrayılov həbsxanada ölüb. Bunu onun yaxınları da təsdiqləyib. Bildiriblər ki, koronavirusa yoluxan deputat “Yeni Klinika” adlı müalicə müəssisəsinə göndərilib. Klinikaya daxil olanda Rəfael Cəbrayılovun saturasiyası 60 olub. Bütün cəhdlərə baxmayaraq, onun həyatını xilas etmək mümkün olmayıb və o, koronavirusdan ölüb.
Dələduzluğa görə həbs edilən Cəbrayılovun bu günlərdə məhkəməsinin hazırlıq iclası keçirilsə də, o, koronavirusa yoluxduğu üçün proses təxirə salınmışdı.
Məlumat üçün bildirək ki, Cəbrayılov deputat olduğu müddətdə və daha sonra Bakıda tikinti biznesi ilə məşğul olub, bu biznesə yatırmaq üçün müxtəlif şəxslərdən milyonlarla manat borc alıb və qaytarmayıb. “Şərurlu İsfəndiyar” kimi tanınan tikinti baronu da onun işi üzrə zərərçəkmişlərdən biri idi və keçmiş deputata 200 min dollar verdiyini deyirdi. R.Cəbrayılov həm də deputat mandatını girov qoyaraq sələmçidən borc alması ilə gündəmə gəlmişdi.
Qeyri rəsmi məlumatlarda onun Milli Məclisin keçmiş sədri Oktay Əsədova villa və binalar tikdiyi, pulu ala bilmədiyi üçün borca düşdüyü qeyd olunur.
Bu gün günorta saatlarında erməni tərəfi Azərbaycan ordusunun əsgərinin Rusiya sülhməramlılarının nəzarətindəki ərazilərdə -Ağdərə şəhərində girov götürüblər. Danışıqlar nəticəsində əsgər sülhməramlılara təhvil verilib. Ermənilər əsgərin paltarlarını cırıb, özünü də döyüblər. Bunu da onunla əsaslandırıblar ki, əsgər Cəmil Babayev Ağdərədə evlərdən birinə girib və sakinlər xəbər tutaraq yerli polisə xəbər veriblər.
Azərbaycan Müdafiə Nazirliyi isə bu insidentlə bağlı qəribə məlumat yayıb. Məlumatda iddia olunur ki,
-Azərbaycan Ordusunun müddətdən artıq həqiqi hərbi xidmət hərbi qulluqçusu əsgər Babayev Cəmil Natiq oğlu Gəncə hospitalının psixiatriya bölməsini özbaşına tərk edib. Əsgər C.Babayev haqqında cinayət işi başlanılıb, araşdırma aparılır.
Maraqlıdır ki, Azərbaycan əsgəri döyülüb, işgəncəyə məruz qalıb və son nəticədə öz ordu rəhbərliyi tərəfindən psixi xəstə elan edilib. Psixi xəstə olan əsgərə nədən cinayət işi açılıb, bu sual cavabsız qalır.
Xəzər dənizində ekoloji vəziyyət ağırdır. Nərə balığı yoxa çıxıb, qanunsuz balıq ovu, suyun çirklənməsi 30 il əvvəllə müqayisədə dənizin canlılarının böyük hissəsini məhv edib. Xəzər faktiki ölü dənizə çevrilir və bu gedişlə o məhv olacaq. Bunu Ekologiya və Təbii Sərvətlər Nazirliyinin Bioloji sərvətlərin tədqiqi mərkəzinin direktoru, bioloji elmlər doktoru, professor Mehman Axundovun mətbuata verdiyi açıqlama da təsdiq edir. O, deyib:
– Xəzərin biokütləsi, demək olar ki, 10 dəfə azalıb
– Suyun səthi yosunlarla örtülür və dəniz dolur
– Dənizdə balıqlar kütləvi şəkildə qırılır
– Balıq ehtiyatı yüz dəfələrlə azalıb
– Xəzərdə qiymətli ov balıqlarının əvvəlki ehtiyatı artıq yoxdur.
Rusiyadakı çirkli pulların təmizlənməsi üçün yaradılan hövzənin Azərbaycandakı ünvanları
Ötən aylarda, daha doğrusu mayın 3-də Azərbaycan cəmiyyətinə Turan TV-nin xüsusi proqramı təqdim edildi. Bu proqramı «Yaxın oturun, amma şoka düşməyin. Əliyevin məxfi əməliyyatları, Putinin tapşırıqları » adı ilə Azərbaycan Saatı youtube kanalından da izləyə bilərsiz. (https://www.youtube.com/watchv=numitSucDm0&ab_channel=AzerbaycanSaati)
Bu proqramda söhbət cənab Əliyevin Azərbaycan Beynəlxalq Bankının Moskva filialından çırpışdıraraq əsasən Rusiyada aldığı daşınmaz əmlakın siyahısı verilirdi. İndi təqribən buna bənzər olaylar haqqında informasiyalar verəcəyik. Bu informasiyalar yalnız çirkli pul, maliyyə qalmaqalı deyil, həm də siyasi məsələdir. Bir ölkənin siyasi elitası, özəlliklə də prezidenti başqa bir ölkənin ərazisində bu cür nəhəng maliyyə cinayətlərini təşkil edirsə, həmin dövlətin yanında gözükölgəli olur, ondan asılı vəziyyətə düşür, üstəlik, həmin dövlət balaca Azərbaycanla müqayisədə qat-qat nəhəng dövlətdirsə, dünya siyasətinə çəki- düzən vermək iddiaları varsa.
Adları yadınızda saxlayın: Eduard Həsənov, Emin Axundov, Axund Hacı Qəni, Zakir Qaralov və bir çox başqaları, əlbəttə, bütün bunların hamısını şaxələndirən, Rusiya ərazisində çirkli pul maşını yaradıb ofşorlara milyardları köçürən cənab İlham Əliyev və yenə də bir çox başqaları…
Rusiyada «Peton» Holdinq adlı nəhəng bir korrupsiya mexanizmindən söhbət gedəcək, onun Azərbaycana doğru uzantıları zatən bu Holdinqin başında dayanan Eduard Həsənov adlı həmyerlimizi, onun Emin Axundov adlı fərasətli müavini kimi adları biləcəksiz… Və söhbət əsasən Rusiyada, Qazprom ətrafında təşkil edilən böyük, həddən artıq böyük maliyyə maxinasiyalarından gedir.
Rusiyadakı bu «Peton» holdinqin məhz, çirkli pul maşını kimi nəzərdə tutularaq yaradıldığı, əsasən Qazprom üzərindən toplanan çirkli pulların bu Holdinqin öz çevrəsinə səfərbər etdiyi nüfuzlu oliqarxlar, kriminal qruplaşma tərəfindən ofşorlara ötürüldüyü barədə məlumatlar Rusiya mətbuatında da zaman- zaman ifşa edilib. Amma korrupsiya faktlarının ifşası korrupsiyanın davam etməyəcəyi anlamına gəlməz ki !
Oleq Polyakov və Eduard Həsənov
«Peton»un rəsmi təsisçiləri isə həmyerlilərimizin ağır basdığı siyahıdır. Eduard Həsənov, Oleq Polyakov və Emin Axundov. Bu mərkəzə Qazpromdan uzanan xətt Holdinqin baş direktoru Kirill Selznyov üzərindən qurulmuşdu. Rusiya Daxili İşlər Nazirliyinin holdinqə uzanan xəttinə nəzarət Andrey Kurnesenkoya həvalə edilmişdi. Böyük biznesin və siyasi hakimiyyətin nəzarətçisi Əli Uzdenov və «Novıy Potok » şirkətinin başçısı Dmitriy Mazurov idi.
Bu şəbəkədə olduqca çoxsaylı insan və şirkət adları var, beyninizi məşğul etməyə dəyməz. Sadəcə nəzərə alın ki, «Peton»un əsas fiquru sayılan azərbaycanlı Eduard Həsənov həm keçmişdə həbs edilib, həm kriminal aləmin ünlü isimlərindəndir, həm də Rusiya və Azərbaycanın siyasi dairələrində himayədarları var. Yəni, bir növ, ortaq biznesin nəzarətçisi saya biləcəyiniz birisidir. Eduard Həsənovun ən çox güvəndiyi şəxs isə, əlbəttə, yenə də azərbaycanlı Emin Axundovdur…
«Peton», piton sayağı, Rusiyada çoxlu sayda təşəbbüsləri və nəhəng şirkətləri udaraq ildən- ilə daha da böyüyür, genişlənir, ağlagəlməz ölçülərdə maliyə cinayətlərinin baş məbədinə çevrilir.
Eduard Həsənovun kriminal aləmlə sabit əlaqələri əvvəllər yaxın qohumu 2007- ci ildə öldürülən, «Sedoy» ləqəbli Çingiz Axundov, sonra mərhum Rövşən Canıyev (Lənkəranski) üzərindən qurulmuşdu. Rövşən Lənkəranski 2016- cı ildə İstanbulda qətl edildikdən sonra Eduard Həsənov- Emin Axundov cütlüyü Rusiyadakı başqa azərbaycanlı kriminal avtoritetlərlə öz təhlükəsizlik zolağını qurmaqdadır.
Daxili idarəetmə qaydalarında isə birinci müavin Emin Axundov əvəzsiz kadr sayılır. Emin Axundov həm də «Peton»un kriminal aləmlə əlaqələrinin tənzimləyici fiquru hesab edilir.
Qazpromda «Peton»un bir neçə qat hami qruplaşması var. Bunlardan ən əsası «Газпром инвест Юг»un keçmiş baş direktor müavini Andrey Qonçarenkodur. Rəsmi milyonerlər- milyarderlər siyahısında olmasa da Andrey Qonçarenko Rusiyanın ən zəngin adamlarından biri sayılır. Dəfələrlə vergi orqanlarına və ayrı- ayrı iş adamlarına iri həcmli borclar üzündən istintaq sorğularına çəkilsə də Qonçarenko məşğul olduğu fəaliyyət sahəsinin özəlliyinə görə qazandığı siyasi hamilərin yardımı ilə sudan quru çıxıb və ya çıxarılıb.
«Peton» Rusiyada və Azərbaycanda, deyəsən, həm də Orta Asiya respublikalarında böyük dövlət və siyasət adamlarının çirkli pullarının ofşorlara yerləşdirilməsi üzrə ixtisaslaşdırılıb. Bu ölkələrdə Qazpromla imzalanan ortaq layihələrin bir tərəfinə mütləq «Peton» pərçimlənir, onlar isə öz işlərini əla bilirlər. Bəzi bilgili adamlar iddia edirlər ki, «Peton» şefi Eduard Həsənovun qardaşı Maarif Həsənovla birlikdə Qazaxıstanda və başqa respublikalarda imzaladığı böyük həcmli layihələr çərçivəsində dövr edən vəsaitlərin 60-70 faizi məhz, ofşorlara köçürülmək üçün nəzərdə tutulur. Çünki, «Peton»un, deyək ki, Qazaxıstanda Aktübe şəhərində, yaxud Özbəkistanda Karşi şəhərindəki layihələri iqtisadi cəhətdən tamamilə əsassız ideyalardır, o qədər əsassızdır ki, həmin təşəbbüslərə görə oralarda böyük işçi personalının saxlanılma xərclərini belə ödəyə bilməz.
Maraqlıdır ki, «Peton»un böyük iddialı, gerçəkdən də əsrin dələduzluq layihələri adlandırıla biləcək nəhəng maliyyə cinayıətlərinkn təşkilatçısı olan Eduard Həsənov həm də neft və qaz sənayesi sahəsində diqqəti çəkən müəllif ixtiralarını öz adına patentləşdirib. Baxmayaraq ki, onun nəinki ali təhsili, heç orta təhsili də yoxdur, qürrələnə biləcəyi 7 illlik «ali təhsil»i isə 2001- ci ildə dələduzluğa görə məhkum edilib göndərildiyi cəzakəmə kaloniyalarında alıb. Belə fərasətli həmyerlilərimiz var Rusiyada !
Bu maliyyə makinası bəzən Rusiyada hüquq mühafizə orqanlarının divarı başı ilə deşmək istəyən kadrlarının obyektivinə də düşür, onlara ilişmək istəyirlər, amma tez də Rusiyanın siyasi rəhbərliyinin qırmızı işığı bərq vurur. Onlara toxunmaq olmaz! Buna baxmayaraq, həmin bu təsadüflər zamanı, qırmızı işıq yanana qədərki araşdırmaların bəziləri də monitorlara düşür. Məsələn, «Peton »un sağ əli olan Emin Axundovun azərbaycanlı kriminal avtoritetlərlə xətalı münasibətləri, Suriyadan və İraqdan olan təhlükəli qanunsuz təşkilatlarla əlaqələri və sairə…
Emin Axundov
Emin Axundov Azərbaycanda da özü üçün təvazökar ölçülərdə biznes yaradıb ki, qanuni oğru deyil, qanuni biznesmen obrazını möhkəmləndirə bilsin. Azərbaycan hüquq mühafizə orqanlarında öz mövqelərini baş prokuror Zakir Qaralovun zamanında, onunla xüsusi münasibətləri əsasında bərkidən Emin Axundov bəzi məlumatlara görə elə həmin Qaralov zamanlarında İçəri Şəhərdə və Ələt- Salyan yolunda «Cız-bız » adlı restoranların, Bakıda «Sarı gəlin » adlı şadlıq sarayının sahibi olub. Başqa biznes obyektləri də var, amma o, Azərbaycanda həm leqal iş adamı kimi görünmək istəyir, həm də bir qədər kölgədə qalmaq istəyir. Yaxın çevrəsində ofşorlara pul köçürmə mexanizminin mahir bilicilərindən sayılan Emin Axundovun özü də arabir tam təsadüfən ağzından qaçırır ki, o, Əliyev ailəsinin Rusiyadakı çirkli pullarının ofşorlara köçürülməsinin həvalə edildiyi qədər etibarlı və mötəbər şəxsdir. Ona görə də indi onun Qaralova- maralova ehtiyacı yoxdur.
«Halal» adam kimi görünmək üçün nəzir- niyazını da vaxtında verməyi xoşlayır. Lənkəranın axundu Hacı Qəniyə bağışladığı bahalı Audi Q8 avtomobili də həmin nəzir- niyaz layihələri çərçivəsindədir.
Məlumatlara görə, onu istintaqa cəlb edib ifadəsini alıblar
Hərbi mənbələrdən Time TV-yə daxil olan məlumata görə, general Hikmət Həsənova 2017-ci il baş vermiş Tərtər hadisələrinə görə cinayət işi açıblar, general istintaqa cəlb edilib, ifadəsi alınıb. Time TV-nin rəsmi mənbələrlə məlumatı dəqiqləşdirmək cəhdləri baş tutmayıb.
Qeyd edək ki, Tərtər işi — hərbi heyyətin Ermənistan Milli Təhlükəsizlik Xidməti ilə mümkün əlaqəsi və sonuncunun lehinə casusluqla əlaqədar olaraq 2017-ci ildə aparılan sorğular nəticəsində Azərbaycan Silahlı Qüvvələrinin əsgər və zabitlərinə qarşı işgəncə faktı ilə bağlı Azərbaycanda bir sıra məhkəmə proseslərinə verilən ümumi addır. 2017-ci il kütləvi həbsləri 2016-cı ilin aprelində Dağlıq Qarabağda baş verən silahlı qarşıdurmadan dərhal sonra baş verdi.
Azərbaycan hüquq müdafiəçilərinin bildirdiyinə görə, Azərbaycan Silahlı Qüvvələrinin 100-dən çox əsgər və zabitinə işgəncə verilmiş, 25 nəfər uzun müddətli həbs cəzası almış və ən azı doqquzu işgəncədən ölmüşdür.
Azərbaycan-ABŞ rəhbərliyi sərhəddə gərginliyi müzakirə ediblər
ABŞ Prezidentinin Milli Təhlükəsizlik məsələləri üzrə müşaviri Ceyk Sallivan Azərbaycan Respublikasının Prezidenti İlham Əliyevə telefonla danışıb
Qaragöl mübahisəsinə ABŞ üç gün ərzində ikinci dəfə müdaxilə edərək Birləşmiş Ştatların prezidentinin Milli Təhlükəsizlik məsələləri üzrə müşaviri Ceyk Sallivan bu gün Azərbaycan Prezidenti Ilham Aliyevə zəng vurub. O, Azərbaycan və Ermənistan sərhədində yaşanan son gərginlik ilə bağlı narahatlığını bildirib və bu kimi fikir ayrılıqlarının sülh yolu ilə həll olunmasının vacibliyini vurğulayıb. O, həmçinin beynəlxalq sərhədin demarkasiyası üçün tərəflərin konstruktiv müzakirələrinə ehtiyac duyulduğunu vurğulayıb. Ceyk Sallivan ABŞ-ın bölgədə barışığın əldə olunmasına sadiqliyini ifadə edib.
İlham Əliyev isə öz nəvbəsində Ermənistanın sərhəd gərginliyi ilə bağlı qeyri-adekvat reaksiyasının və bu məsələni beynəlmiləlləşdirmək cəhdlərinin bölgədə gərginliyin artmasına gətirib çıxara biləcəyini qeyd edib və bütün mübahisələrin sülh yolu ilə və danışıqlar prosesi çərçivəsində həllinin vacibliyini vurğulayıb.
