Donald Tampın vəkili Alan Dershowitz, Böyük Britaniyanın sabiq baş naziri Toni Blerin həyat yoldaşı Ceri Bler də müdafiəyə qoşuldu
Martın 16-da Türkiyədə həbs edilmiş Mübariz Mənsimovun prosesinə artıq dünyanın tanınmış vəkilləri qoşulur. Bu da prosesin bu günə qədər inkişaf etdiyindən daha fərqli bir xətt götürdüyünü göstərir. Aydın olur ki, SOCAR Palmali savaşı kifatyəT qədər böyük bir beynəlxalq miqyas alıb. Məhz buna görə də artıq savaşa yeni qüvvələr qoşulur. Bunlar Böyük Britaniyadan İnsan haqları üzrə tanınmış vəkil və Böyük Britaniyanın keçmiş baş naziri Toni Blerin həyat yoldaşı Çeri Bler (CBE, QC of Omnia Strategy LLP), Harvard Universitetinin fəxri professoru və ABŞ prezidenti Donald Trampın vəkili Alan Dershovitz (Professor Emeritus of Harvard University), həmçinin tibb elmləri doktoru, professor Nikolas Muzindir (MD, JD of Stonington Global LLC). Bu şəxslər iş adamı Mübariz Qurbanoğlu Mənsimovun işini araşdırmaq üçün onun vəkilləri Çaka Kul və İsinbike Bilgili ilə bir komandada işləyəcəklər.
Qeyd edək ki, bu şəxslər artıq birgə bəyanat da qəbul ediblər. Çeri Bler iş üzrə insan haqlarının pozulması faktlarını araşdıracağı zaman professor Derşivitz və doktor Muzin hüquqi müdafiənin beynəlxalq vasitələrinin tətbiqinin mümkünlüyünü öyrənəcəklər. Sayt yazır ki, Mənsimovun işi Türkiyədə hüququn aliliyinin qorunması və bu ölkədə hakimiyyətdən sui-istifadə halları ilə bağlı beynəlxalq ictimaiyyətin narahatlığı ilə əlaqəlidir. Çeri Bler bildirib ki, “bu məsələni sona qədər araşdırmaq və bütün suallara cavab tapmaq əzmindədir”.
Professor Derşovitz isə deyib ki, “bizim komanda bir yerdə işləyərək bütün beynəlxalq və ölkədaxili hüquqi öhdəliklərin qorunmasını təmin edəcək.”
Öz növbəsində doktor Muzin vurğulayıb ki, “Mübariz – bütün dünyada minlərlə insan tərəfindən sevilir, Türkiyədə və Azərbaycanda çox hörmətli xeyriyyəçidir… COVİD-19 virusunun geniş yayıldığı dönəmdə onun saxlanılması nəzərimizdən yayınmadı və biz ədalətin bərqərar olunacağına can ataçayıq.”
TİME TV